السلام عليكم ورحمة الله وبركاته
أخبار الحلوِين ؟
* يووه أدرِي إنّي مغبرة * =(
بس عساكم مَ نسيتونِي .
موضوعِي اليوم من زمان بأكلّمكم عنّه .
بس كنت محتاجَة الأفكار تتخمّر .. والمتشتّت يتجمّع !
أتمنّى تكُون تخمرت وتجمّعت زين عاد بعد ذا كله ههههههههه
بس كنت محتاجَة الأفكار تتخمّر .. والمتشتّت يتجمّع !
أتمنّى تكُون تخمرت وتجمّعت زين عاد بعد ذا كله ههههههههه
موضوعِي زي ما أنتُوا شايفين .
جواب لسؤال " ليش نقرأ ؟ "
إيه جد مو بكل مكَان يتكلموا عن أهمّية القراءة ؟
وبكل مكَان يقولون " أمة إقرأ لا تقرأ " ؟
على وِيش هالضجّة كلها ؟
وإيش فاتنا يعنِي لو مَا قرينا ؟
جواب لسؤال " ليش نقرأ ؟ "
إيه جد مو بكل مكَان يتكلموا عن أهمّية القراءة ؟
وبكل مكَان يقولون " أمة إقرأ لا تقرأ " ؟
على وِيش هالضجّة كلها ؟
وإيش فاتنا يعنِي لو مَا قرينا ؟
أول شَيء .
مين أنا عشان أتكلّم عن القراءة ؟
أنا وحدَة غلبانة يا دُوب قريت كم كتاب .
بس أنا كمَان وحدة عرفت طعم إنّك تقرَين . عرفت شعور الفرحة لمعلومة جديدَة و شعور تلقَين كاتِب جيّد يعرف كيف يكتب !
جرّبت طعم ألقى أفكارِي وفلسفاتِي والأشياء اللي شاغلتنِي مكتوبة مسطّرة قدّامي بأسلُوب أنا ما قدرت أصيغه.
واللي ذاق الشيء وعرفه مو زي اللي م ذاق .
لذلِك أنا ببوستِي هذا بأورّيكم عالم القراء البسِيط !
وقولوا إن شاء الله إن معِي مفتاح لباب هالعالم وما نسيتُه بالبيت # لول
^ not funny at all :(
الحِين نجِي لأساس البوست ..ليش نقرأ ؟
هالسّؤال المفروض ما ينسأل لكِن ليه نسوّي مثالية بزيَادة !
إحنا كعرب محتاجِين نسأله.
ثقافة القراءة عندنا ضيقة / ضعيفة !
إيه من جد لو شفت واحد يقرأ بمكان عام بتقول وش قاعد يسوّي وإلا من جده وإلا مصدق نفسه ذا ؟
لا تقولون لِي لا ما فيه كذا لأن هوه كذا !!!!!
ممكِن تقعدين على جوالِك تتأملِين بالجدار تتلقفين على خلق الله تزعجينهم بأسئلتك اللي غالبا مالها طعم .. لكن تقرين كتاب ؟ من جدك أنتِ !
هالضيق بهالنظرة للقراية والكتَاب فسّرها د. عبدالكريم بكّار تفسير منطقِي .
كيف تبغي من نّاس يا دوب تلاحق وراء لقمة العيش وحقها الأساسي بالحَياة تلتفت لشيء فرعِي زي كذا ؟ هالشيء يعتبر ترف بالنسبة لنا !
هالشّيء خلى علاقتنَا بالكتاب جافّة . ويا دوبك الواحد يقرأ كتب الدراسَة.
لكِن هل الحِين لنا حق نستمر بهالنظرة الضيقَة ؟
طبعاً لا ، وش زود النّاس عنّا ؟
القراية مو زَي ما أنتوا متخلينها للنّاس الطفشانة اللي عايشة عالم ثانِي غير عالمنا .
أنا ما أصدّق اللي تقولّي ما أحب أقرأ وهِي عندها إستعداد تقرأ 100 أو أكثر تغريدة بالسّاعة . ما أصدّقها وهي تقدر تقرأ رسالة واتس وش طولها !
ليش قدرت تقرأ هذِي ويوم جات عالكتاب المسكِين قالت لا ما أحب.
هذا يا طويلين العمر بسبب جهلها ..
على بالها كلّ الكتب معقدة ، كل الكتب لناس ثانِين مو لها !
إيش فرق الناس الثانين عنّها ؟ الله أعلم .
أنواع الكتب يا عزيزتِي كثيرة كثيرة أكثَر من إنّها تنحصر !
هل تتوقعِين ولا واحد منّها راح يجِي على مزاجك / مقاسك ؟
لا ما أصدّق .
الفايدة اللّي تكفيك عن كلّ الفوايد ليش مخّي ما أعطيه معلومات جديدة .
ليش ما أطوّر نفسِي ؟ ليش أظل أنا أنا ؟ كل اللي بمخّي كلام ناس وواتس وتويتر " ليش الكتب مو كلام ناس ؟ "
إلا الكتب كلام ناس . بس أي ناس ؟ هل ناس جات براسهم فكرة حتّى قبل ما يفكر فيها كتبها ؟ هل ناس فاضية تبِي تمشّي وقتها ؟
غالباً لا .
الكاتِب إنسان تعب عالكتاب اللّي أنتِ تشوفينه ولاشيء.
بحث دوّر سأل قرأ .
كلامه مو أي كلَام كلامه راح يقنعِك فيه بالمنطق !
فعشان كذا الإنسان اللي كل اللي بمخّه كلام تويتر ووووووو غير الإنسان اللي معلوماته من كتب وقراية وإطّلاع .
ثانِي شيء هل الكتب لهاالحد مملّة عشان أقعد أعدد لك مليون فايدة عشان تقرِين ؟ لا يا اأختِي .
كثير أحيَان الواحد يقرأ وهو مو حاس بنفسِه . الوقت يطير يطير مع حماسِك للكتاب وإندماجك ! مو ممل بالعكس ودّك لو ما يخلّص.
" وفي حالات متقدمة ممكن يجِيك إكتئاب لو خلص كتاب تحبينه
أنا كل اللّي أطلبه أعطوا الكتُب فرصة .
لأنّكم إذا لسى ما تحبونها دليل ما أعطيتوها فرصَة !
* متأكدة مليون بالميّة *
طيّب نفترض أقنعتكم هههههههههه
* خطوات الدخول لعالم الكتب والقراء * < —.—"
أول شَيء ومن أجمل الأشياء في عالم النّت ❤
هالموقع Goodreads .
❤
هالموقع عبارة عن تجمّع للقراء .
تطلعِي عالكتاب اللي تبين تشوفِين إيش رأي النّاس عنّه وكيف قيموها إيش أعجبهم وإيش ما أعجبهم .
سو ؟ أول خطوة سجلِي بالموقع ❤
* و ارسلوا لِي صفحاتكم ونصير أصدقاء ونعيش بتبات ونبات * :p
ما راح أتطرّق لآليّة عمل الموقع إترك لكم متعَة الإستكشاف (=)) !
ثانيا وهالخطوَة أهم أهم خطوَة .
هالخطوة أعتبروها تعطيكم المفتاح الذهبِي للقراية !
إقروا هالكتَاب .
القراءة المثمرة | آليّات و مفاهِيم لـ د. عبدالكريم بكّـار !
^ اضغطوا لمشاهدة الكتاب عالقودريدز
الكتاب يا دوب 100 وكم صفحَة شدّوا حيلكم .
ثالثاً . إعرفوا وش اللي يجذبكم وودكم تعرفون عنّه .
هل تجذبكم الروايات ؟ طيب روايات عربية وإلا عالمية ؟ طيب روايات بأي زمن ؟ طيب رواية إيش الرسالة اللي تحملها ؟
ما تحبين الروايات ؟ تبين كتب فكرية ؟ طيب مين الكاتب اللي كثير يمدحونه وممكن أبدا أجرب أقرا له ؟ هل عجبني ؟ أبدا أبحث عن كتبه ؟ هل هالكاتب متأثر بكاتب ثاني ؟ طيب مين ؟ أبدا أبحث عنّه ؟
هل أحب الكتب الدينية ؟ طيب مين كاتب اسلوبه حلو ؟ وهكذا !
أهم شيء تعرفِي أنتِ تبحثين عن إيش ؟
إيش الشيء اللي محتاجة تقرِي عنه ؟
تبون توصيات منّي ؟
أبد تفضّلوا قائمة الـ favorites
حقتِي ! < اضغطوا عالرابط عشان تروحون لصفحة مفضلاتي بالقودريدز
شوفوا إيش اللي شدّكم وانطلقوا . :*
واللّي حاب يتابعني عالإنستقرام.
Swan1415
الكثير من الإقتباسات القليل من الصور العشوائية :)
وأخيراً ، أحمد حلمي له كلمته بالموضوع
هههههه
وبس كذا يكُون خلّص كلامِي.
أتمنّى إنكم مو بس تقرون كلامي وتطنشون حاولوا تبدون :*
* إلى اللقاء إلى الحب والله يرعاكم *
{ كثير أحيَان الواحد يقرأ وهو مو حاس بنفسِه . الوقت يطير يطير مع حماسِك للكتاب وإندماجك ! مو ممل بالعكس ودّك لو ما يخلّص.
ردحذفوفي حالات متقدمة ممكن يجِيك إكتئاب لو خلص كتاب تحبينه }
...
"والعود أحمد"
رجعتي بشيء جميل سوان $_$
تدوينة لطيفة وتحمسك للقراءة ..
كثير الشكر لشخصك العظيم ♥
ايش اقول بس ..!
ردحذفكلامكك كلامكك يخشش القلب 《 هههه الله ع التعبير
احبكك قد السماء ع قولة مدى
الله يوفقكك :$
مشكورة أختي سوان على هذه التدوينة القيمة بالفعل ، وانا بصراحة محتاج للمساعدة ياليت أبي افضل الروايات العربية للمبتدئين
ردحذفواكرر الشكر على هذه التدوينة الرائعه لكِ ألف شكر