والسلام عليكم ورحمة الله وبركاته.
كيف الحال والأحوال ؟
تدوينتي اليوم بأتكلم لكم فيها عن طرق جيدة للمذاكرة وتقنيات ممتازة للحل ؟ [ العنوان اسم لكتاب جميل جداً ]
اضغط
هنا للإطلاع على الكتاب ..
الجميل إن فكرة التدوينة انبثقت وأنا قاعدة باللجنة أختبر
لا والمشكلة ان السؤال اللي قدامي ماني قادرة أحله ههههههه يعني انبثاقة بوقت غلط . أجلتها لين أخلص حل وكل شيء ، ولما فكرت فيها قلت ممكن يستفيد أحد منها لو بكلمة ، لأني ما أدري إذا كان في شيء مميز أسويه عشان أقولكم عليه ، بس يمكن !!
أول شيء لازم يعرف الإنسان إنه في الإختبارات محتاج التوفيق.
( والحياة كلها إختبارات واختيارات ) طيب ؟
أتذكر كلام دايم أبوي يقوله لنا بموسم الاختبارات
" إذا الواحد يبغى شيء من انسان وهو مقصر معاه يستحي يطلبه ويشك إنه بيوافق له عليه أصلاَ ، فكيف إحنا نقصّرمع الله بالصلاة ونروح ندعيه يوفقنا !!!!!!!! " * صح لسانك أبوي
فهذي نقطة ( الصلاة الصلاة الصلاة ) ، كلنا ما ننكر فضلها لكن أغلبنا مقصرين الله يغفر لنا ، أولى الاولويات صلاتك ، راقبيها ، تفكّري فيها ، هل أنا صح ؟ أصلي صح ؟ معطية الصلاة حقها ؟
وثاني شيء : رضاا الوالدين ، أصلا مجرد روحتك للاختبار وانتِ عارفة إن أمك تدعي لك يكفي إنك تروحين وأنتِ حاسة إنك بتحلين :))
لزموا على امهاتكم بهالفترة يدعون لكم انشبوا لهم لا تعطونهم مجال ينسون هههههههه .
طيب ؟ نروح للمذاكرة.
طريقتي بالمذاكرة أسوا طريقة لكن متفاهمين انا واياها هههههههه ، ألا وهي : مستحيل أمسك الكتاب وأنا حاسة إني ماني بجو مذاكرة أو إن عقلي منشغل بشيء وماهو مع الكتاب ، أحاول أفضي مخي من الأشياء ، لو برأسي أكل رحت ابلع ، لو أبي أتطمن ع تويتر اتطمن هههههه لكن ما أمسك الكتاب واقرا وانا عارفة إن الكلام ما يدخل إذا حسيت خلاص طاح اللي براسي أمسك الكتاب عديت بالصفحات وحسيت أني خلاص مو قادرة أستوعب ما ألزم نفسي أكمل لأنه تضييع وقت والكلام ما راح يدخل بالغصب ، فهنا أعطي نفسك بريك وانتبهي تعطينه بريك ومخك لسى بجو المذاكرة ويمديك تواصلي ، خلي بريكاتك للوقت اللي تحسين لازم بريك ، أنا بريكاتي يا أما تطمن على أحوال الرعية وتحويم في البيت ههههههههه أو تأمل السقف ، وفي كل خير
ثانيا : في أشياء هي تقول ترى أنا بيجي علي سؤال يعني فيه مواضع أسئلة كثيرة وفي أشياء باين أنها غير مهمة فالواحد يعرف يعطي كل شيء حقه .
وأنصحك بالخرايط الذهنية وقت المراجعة بتتمنين لو تقدرين تبوسين نفسك لو سويتيها
ثالثا : ابعدي الجوال أو قفلي الشبكة وأنا اضمن لك مذاكرة جميلة ههههه
- المراجعة -
أنا م أدري إذا كان هالشيء نفسية فيني أو شيء لكن أنا إذا ما راجعت ما كأني ذاكرت وأقولها جد ترى . يعني لو في معلومة ذاكرتها لكن ما راجعتهاا أعاني ف حلها بالاختبار.
والأفضل تكونين مخلصة مذاكرة بدري عشان تروحين تونسين نفسك لين يقرب وقت الإختبار.
والمراجعة أحسن شيء قبل الاختبار بفترة قصيرة
يعني لو خلصتي مذاكرة بدررري لا تراجعي ع طول سوي كل اللي تبينه والمراجعة خليها توديعة قبل الاختبار.
المراجعة أكيييد بتكون أقصر من وقت الاختبار وغالبا متصلة وهذي فايدتها. لأنك وأنت تذاكرين وتاخذين بريكات ممكن ما تربطين بين المعلومتين اللي قبل البريك وبعده لكن المراجعة المتصلة تخليك تربطين الامور ببعض .
ولو ما تبين مراجعة للمنهج كامل وأنت تذاكرين حطي علامة مميزة للأشياء اللي تحسينك ما حفظتيها صح أو مهمة جدا عشان قبل الاختبار تلقين نظرة سريعة عليها.
وقت
الأختباااار - يكرم المرء أو يهان -
أول شيء النفسية ، لازم الواحد يعرف انه سوا اللي عليه *
وهذا أحسن شعور ترى لأن حتى لو ما حليتي ما راح تتندمين أو تتزعلين لأنه مو منك * وإن كل حاجة بيد ربنا وربنا عند ظن العبد به ظني بربك خير وانطلقي بالحياة ، لا تبدين حل لو حسيتي أنك متوترة أو متشوشة ، ابدي اذا حسيتي بالاستقرار النفسي والكل شيئي لو فيه عالم تدخل وتطلع وحوسة انتظري ، ثانيا : تفائلي ان الاسئلة حلوة لا تدخلين الاختبار بخوف ، لأن سواء دخلتيه بخوف أو بتفاؤل بكل الحالات الأسئلة اتحطت لكن الفرق بنفسيتك .
شفتوا كيف الذكاء الله يحفظني ؟ هههههه
دايما اقرا شوفي الاسئلة كلها وابدي بالاسهل والاسهل وللان ماني فاهمة فكرتهم يعني بحالي بالله أقعد اقول انت صعب خلك بالأخير وانت تعال باحلك بالاول وابلش مع ترتيب الاسئلة .
أنا مرتاحة مع طريقتي وأتوقع هي السليمة وباقولكم ليه .
أول شيء طريقتي أبدا بالترتيب الأول فالثاني خخخ حليته ياسلام كان بها . ( ما حليته ، عجزت عنهً، حليت بس شكيت فيه ) أعطيه شوي بس شوي فرصة أفكر فيه - ما اتاكدت، ما عرفت احل - احط اشارة فوق السؤال يعني باتفاهم معاك شوي ي ***** ههههههههه ،
وهكذا بعد ما أخلص كل الاسئلة أكون مرتاحة وكذا إني حليت خلاص خلصت ، ماني شايلة هم السوال اللي بعد كيف بيكون خلاص فهمت الاختبار يصير ارجع للي عليه علامة وأتفاهم معاه.
في حال كان السوال اختياري وانتِ شاكة ، لا تقعدين تفكرين بالاربع خيارات ولا تنسين ان ثلاثة خطأ يعني لو ما عرفتي الصح اعرفي الخطأ الخيار اللي عرفتي انه خطأ اشطبيه وابدي فكري بالخيارات المتبقية.
وفي تكنيك علمتني اياه وحدة من صاحباتي وعجبني خخخخ يعني حسيت فيه عبقرة ألا وهو إنه حددي لنفسك خيار معين لو كنت فاقدة الامل بمعرفة الاجابة يعني ما قدرتي تشطبين ولا واحد ولا ترجحين ولا واحد .
يعني السوال الاول ماعرفته احطه أ واللي بعده أ ولكل اللي ما اعرفها احط أ لأن لازم ولابد بكون واحد منها عالأقل أ . إلا اذا حظك فيه مشاكل مالي شغل هههههههههههههه.
أما ليش أتوقع انها الطريقة السليمة ؟
- قرايتي لجميع الاسئلة في حال اكتشف كم سوال صعب اقعد شايلة همه ، واحنا داخلين متفائلين وباديين متفائلين ليش نخرب على نفسنا خخخخخ .
- ترك السوال اللي عجزت عنه وعدم اعطائه وقت طويل عشان لا اتوتر بهالسوال واجيب العيد باللي بعده ، وعشان لا استهلك طاقة مخي وانا لسى وراي حبايب ثانين هههههه ( عاد كل واحد وطاقة مخه أنا أحسه ساعة وكثر الله خيره حتى لما أراجع أحيان انسى ليه حطيت هالجواب ههههههه )
- مراجعة الأجوبة -
يقولون أن أول جواب تحطينه هو الصح حتى لو شكيتي فيه الا اذا قطعتي الشك باليقين عاد هنا غيري ، بس شكك الغير مبرر لإجابتك ما يعطيك الحق تغيرينها ، انتبهي .
- التضليل -
أدري ودكم تسطروني خخخخخخخخ ، لكن من جد لقيت طريقة مريحة وخاصة إني دايما أشك هل ضللت صح أو لا
!! الجواب اللي بتظللينه اشخطي عليه شخطة صغيرة يعني لا تكملين تضليل الدائرة كاملة ليش لانه أسرع وما يتعّب . يعني حطي الورقتين جنب بعض وابدي شخطي بسرعة لا تأكدتي إنك شخطتي صح ومتأكدة من إجابتك . روحي لورقة الإجابة وحطي حرتك بالتضليل :)
- بعد الاختبار -
ياليت ياليت ماتراجعين وخاصة لو كان وراك اختبار ثاني.
وبس أتمنى لكم إختبارات جميلة ودرجات عالية في الدنيا والآخرة
لو عندك تكنيكات رهيبة بتشاركينها علقي تحت أو منشينيني ع تويتر
وبأكون سعيدة وجدا.
إلى اللقاء إلى الحب والله يرعاكم
.gif)
.jpg)
